ਸੱਚੇ ਬੰਦੇ

ਸੱਚੇ ਸੁੱਚੇ ਬੰਦੇ ਨੂੰ ਝੂਠਾ ਏ ਬਨਾਉਂਦੀ ਦੁਨੀਆਂ,

ਇੱਜ਼ਤ ਕਰੀ ਨੂੰ ਜ਼ੁਲਮ ਏ ਬਨਾਉਂਦੀ ਦੁਨੀਆਂ,

ਕਿੱਥੇ ਕਿੱਥੇ ਕਿਵੇਂ ਕਿਵੇਂ ਕਿੱਦਾਂ ਪੈਰ ਧਰਨਾਂ...

ਬਹੁਤ ਪਾੜ੍ਹੀ ਆ ਤੇ ਬਹੁਤ ਪੜ੍ਹਾਉਂਦੀ ਦੁਨੀਆਂ

"ਪਾਗਲ" ਨੇ ਕੁੱਝ ਨਹੀਂ ਸਿੱਖਿਆ ਕਦੇ ਨਾਨਕਾ..

ਜੋ ਕੁੱਝ ਵੀ ਸਿਖਾਉਂਦੀ ਹੈ ਸਿਖਾਉਂਦੀ ਦੁਨੀਆਂ।

✍️ਪਾਗਲ ਸੁੰਦਰਪੁਰੀਆ

ਰਾਜਨੀਤੀ

ਸਮਾਂ ਬਹੁਤ ਬਲਵਾਨ ਹੁੰਦਾ ਹੈ ਸਮਝ ਲਵੋ.. ਲੜਾਕੂ ਨਾਲ ਵੀ ਹਮਦਰਦੀ ਦਿਖਾਉਂਦਾ ਏ,ਬਿਗੜੇ ਹੋਏ ਪਿੰਡ ਦੇ ਮੁੰਡੇ ਸੁੰਦਰਪੁਰੀਏ ਨੂੰ..ਇੱਕ ਪਾਗਲ ਨੂੰ ਸਰਪੰਚ ਆਖ ਬਲਾਉਂਦਾ ਏ,ਜਾਣਦਾ ਨਹੀਂ ਮੇਰੀ ਫ਼ਿਤਰਤ ਤੇ ਮੇਰੇ ਬਾਰੇ ਓਹ..ਉਂਜ ਵੱਡੇ ਲੀਡਰ ਦਾ ਖਾਸਮ ਖ਼ਾਸ ਕਹੋਂਦਾ ਏ।✍️ਪਾਗਲਪੁਰਾਣੇ ਸਰਪੰਚ ਨੇ ਪੁਰਾਣੇ ਮੰਤਰੀ ਨਾਲ ਮੇਰੀ ਗੱਲ ਕਰਾਈ ਓਹ ਬੇਚਾਰਾ ਮੇਰੇ ਬਾਰੇ ਨਹੀਂ ਜਾਣਦਾ ਸੀ😂😂😂 ਹਾਸੋ ਹੀਣੀ ਗਲ ਹੈ😂😂 ਸੱਚੀ ਯਾਰ 

ਨਾਨਕ ਸਾਹਿਬ ਜੀ ਦੀ ਕਿਰਪਾ

ਨਾਨਕਾ ਬਖਸ਼ੀ ਉਹਨਾਂ ਨੂੰ ਜਿਹੜੇ ਤੇਰੇ ਦਰ ਤੋ ਮੰਗਦੇ ਨੇ,

ਤੇਰੇ ਤੋਂ ਅਤੇ ਤੇਰੀ ਬਣਾਈ ਕੁਦਰਤਿ ਤੋਂ ਬੇਚਾਰੇ ਸੰਗਦੇ ਨੇ,

"ਪਾਗਲ" ਤੇਰਾ ਉਹਨਾਂ ਨੂੰ ਦਿੱਸਦਾ ਹਰ ਥਾਂ ਥਾਂ ਰਹਿੰਦਾ..

ਉਹ ਜਿਸ ਗਲੀ, ਚੁਰਸਤੇ, ਰਸਤੇ ਨਾਨਕਾ ਲੰਘਦੇ ਨੇ।

✍️ਪਾਗਲ ਸੁੰਦਰਪੁਰੀਆ

ਜਿਉਣ ਤੋਂ ਮਰਨ ਤੱਕ

ਟੌਰ ਤਾਂ ਬੇਸ਼ੱਕ ਕੱਢੀ ਨਹੀਂ..

ਪਰ ਜ਼ਿੰਦਗੀ ਟੌਰ ਨਾਲ ਕੱਢੀ ਆ,

ਦੁੱਜੀ ਤੀਜੀ ਨਾਰ ਨਹੀਂ ਕੋਈ..

ਇੱਕੋ ਇੱਕ ਜੱਟ ਦੀ ਨੱਢੀ ਆ,

ਨਾਨਕ ਸਾਹਿਬ ਨੂੰ ਯਾਰ ਬਣਿਆ..

ਬਾਕੀ ਸੱਭ ਦੁਨੀਆ ਛੱਡੀ ਆ,

✍️ਪਾਗਲ ਸੁੰਦਰਪੁਰੀਆ

ਨਾਨਕ ਦੀ ਵਿਚਾਰਧਾਰਾ

ਨਾਨਕ ਸਾਹਿਬ ਦੇ ਅਸੂਲਾਂ ਨੂੰ ਮੰਨਣ ਵਾਲਾ ਹਾਂ, 

ਦੁੱਖ - ਸੁੱਖ ਸੱਭ ਕੁੱਝ ਪਿੰਡੇ ਉੱਤੇ ਕੱਟਣ ਵਾਲਾ ਹਾਂ,

ਡਰਦਾ ਨਹੀਂ ਹੈ ਮੌਤ ਤੋਂ " ਸੁੰਦਰਪੁਰੇ ਦਾ ਪਗਲ"

ਮੌਤ ਦੇ ਮੂੰਹ ਵਿੱਚ ਜਾਕੇ ਰੱਬ ਨੂੰ ਰੱਟਣ ਵਾਲਾ ਹਾਂ।

✍️ਪਾਗਲ ਸੁੰਦਰਪੁਰੀਆ

ਮੀਹਾਂ ਨਾਲ ਢਹ ਜਾਂਦੇ

ਰੇਤੇ ਦੇ ਵਾਂਗੂ ਕਿਰਦੇ, ਪੈਰਾਂ ਦੇ ਕੱਚੇ ਨੇ,

ਮੀਹਾਂ ਨਾਲ ਢਹ ਜਾਂਦੇ, ਪਰਵਤ ਜੋ ਪੱਕੇ ਨੇ,

ਨਾਨਕ ਦੀ ਕੁਦਰਤਿ ਹੈ, ਕੁਦਰਿਤ ਵਿੱਚ ਨਾਨਕ ਜਾਪੇ,

ਕਰੀਆਂ ਸਾਡੇ ਕੁੱਝ ਨਾ ਹੋਵੇ , ਕਰਦਾ ਹੈ ਨਾਨਕ ਆਪੇ,

ਬਹਾਰਾਂ ਵਿੱਚ ਸੁੱਕ ਜਾਂਦੇ, ਰੁੱਖਾਂ ਦੇ ਪੱਤੇ ਨੇ,

ਮੀਹਾਂ ਨਾਲ ਢਹ ਜਾਂਦੇ , ਪਰਵਤ ਜੋ ਪੱਕੇ ਨੇ,

ਦਾਤੀ ਦੇ ਇੱਕ ਪਾਸੇ ਦੰਦੇ, ਦੁਨੀਆਂ ਦੇ ਦੋ ਪਾਸੇ,

ਅੰਦਰ ਨੇ ਰੱਖਦੇ ਖਾਰਾਂ, ਚਿੱਟੇ ਜੋ ਦਿਸਣ ਪਤਾਸੇ

ਇਰਖ਼ਾ ਦੀ ਅੱਗ ਨਾਲ, ਭੱਠੀ ਵਿੱਚ ਮੱਚੇ ਨੇ

ਮੀਹਾਂ ਨਾਲ ਢਹ ਜਾਂਦੇ , ਪਰਵਤ ਜੋ ਪੱਕੇ ਨੇ,

ਸੱਚੀਆਂ ਨੇ ਗੱਲਾਂ , ਲਿਖਦਾ ਏ ਜਵਾਂ ਟਿਕਾਕੇ,

ਪਾਗਲ ਹੈ ਸੁੰਦਰਪੁਰੀਆ, ਦੱਸਦਾ ਹੈ ਮੂਹੋਂ ਗਾਕੇ,

ਨਾਨਕ ਦੇ ਦਰਬਾਨ ਹੁੰਦੇ, ਬੰਦੇ ਜੋ ਸੱਚੇ ਨੇ,

ਮੀਹਾਂ ਨਾਲ ਢਹ ਜਾਂਦੇ , ਪਰਵਤ ਜੋ ਪੱਕੇ ਨੇ,

✍️ਪਾਗਲ ਸੁੰਦਰਪੁਰੀਆ

ਨਾਨਕਾ ਮਿਲਦਾ ਰਹੀਂ ਤੂੰ

ਬੰਦਾ ਬੰਦੇ ਨੂੰ ਮਿਲੇ, ਪਰ ਪਿਆਰ ਨਾਲ ਮਿਲੇ,

ਭਾਵੇਂ ਦੁਸ਼ਮਣ ਨੂੰ ਮਿਲੇ, ਜਾਂ ਯਾਰ ਨਾਲ ਮਿਲੇ,

ਕਦੇ ਫ਼ਰਕ ਨਾ ਰੱਖੀਂ "ਪਾਗਲਾ" ਦੋਹਾਂ ਵਿਚਕਾਰ..

ਚਾਹੇ ਫੁੱਲ ਨੂੰ ਮਿਲੇ, ਚਾਹੇ ਖ਼ਾਰ ਨਾਲ ਮਿਲੇ,

ਬੇਈਮਾਨੀ ਦੀ ਖਾਕੇ ਸਬਰ ਨਹੀਂ ਮਿਲਦਾ ਕਦੇ..

ਰੋਟੀ ਹੱਕ ਦੀ ਮਿਲੇ, ਭਾਂਵੇ ਅਚਾਰ ਨਾਲ ਮਿਲੇ,

ਨਾਨਕਾ ਮਿਲਦਾ ਰਹੀਂ ਤੂੰ "ਸੁੰਦਰਪੁਰੀਏ" ਨੂੰ..

ਜਿੱਤ ਹੋਈ ਤੋਂ ਮਿਲੇ, ਭਾਵੇਂ ਰੋਜ਼ ਹਾਰ ਨਾਲ ਮਿਲੇ।

✍️ਪਾਗਲ ਸੁੰਦਰਪੁਰੀਆ