ਹਿੱਕਚੁ ਮਾਲਾ

ਇੱਕ ਬਿਮਾਰੀ

ਜਿਸਦਾ ਨਾਂ ਕਰੋਨਾ

ਹੈ ਮਹਾਂਮਾਰੀ

ਹੈ ਮਹਾਂਮਾਰੀ

ਪਹੁੰਚੀ ਸਾਡੇ ਦੇਸ਼

ਮਾਰ ਉਡਾਰੀ

ਮਾਰ ਉਡਾਰੀ

ਸੱਚਾਈ ਉਂਝ ਥੋੜੀ

ਚਰਚਾ ਭਾਰੀ

ਚਰਚਾ ਭਾਰੀ

ਸਾਜਿਸ਼ ਕੋਈ ਲੱਗੇ

ਹੈ ਸਰਕਾਰੀ

ਹੈ ਸਰਕਾਰੀ

ਹਸਪਤਾਲ ਜਾਵੇ

ਬੰਦਾ ਜਾਂ ਨਾਰੀ

ਬੰਦਾ ਜਾਂ ਨਾਰੀ

ਰੋਗੀ ਕਰੇ ਸਭਨੂੰ 

ਕਾਰਜ ਕਾਰੀ

ਕਾਰਜ ਕਾਰੀ

ਪੋਜਟਿਵ ਆਉਂਦੀ

ਖਬਰ ਸਾਰੀ

ਖਬਰ ਸਾਰੀ

ਅੰਗ ਸਾਰੇ ਕੱਢੇ ਨੇ

ਫ਼ੇਰ ਕੇ ਆਰੀ

ਫ਼ੇਰ ਕੇ ਆਰੀ 

ਪਾਗਲਾ ਕੰਮ ਮਾੜਾ

ਅੱਜ ਵੀ ਜਾਰੀ

✍️ਪਾਗਲ ਸੁੰਦਰਪੁਰੀਆ

ਓਹੀ ਬੰਦਾ

ਦੁੱਖ ਸੁੱਖ ਵੇਲੇ ਨਾਲ ਖੜਨ ਵਾਲਾ ਹੀ ਯਾਰ ਹੁੰਦਾ ਏ

ਰੱਬ ਦਾ ਦੂਜਾ ਰੂਪ ਹੀ ਦੋ ਰੂੰਹਾਂ ਦਾ ਪਿਆਰ ਹੁੰਦਾ ਏ

ਪਿਆਰ ਦਾ ਝਾਂਸਾ ਦੇਕੇ ਜਿਸਮਾਂ ਨੂੰ ਲੁੱਟਦਾ ਜੋ

ਅਸਲ ਵਿੱਚ ਓ ਕਾਦਰ ਦਾ ਗੁਨਾਹਗਾਰ ਹੁੰਦਾ ਏ

ਓਹੀ ਬੰਦਾ ਲੜਦਾ ਆਪਣੀ ਜਾਨ ਤਲੀ ਤੇ ਧਰਕੇ 

ਜਿਹੜਾ ਬੰਦਾ ਸੱਚਮੁੱਚ ਹੱਕ ਦਾ ਹੱਕਦਾਰ ਹੁੰਦਾ ਏ

ਝੂਠ ਨੂੰ ਝੂਠ ਸੱਚ ਨੂੰ ਸੱਚ ਜੋ ਛਾਤੀ ਤਾਣ ਲਿੱਖੇ

ਓਹੀ ਜ਼ਿੰਦਾ ਜ਼ਮੀਰ ਵਾਲਾ ਕਲਮਕਾਰ ਹੁੰਦਾ ਏ

ਸਬਰ ਸੰਤੋਖ ਨਾਲ ਜਿਹੜਾ ਖਾਣਾ ਸਿੱਖ ਗਿਆ

ਓਹੀ ਬੰਦਾ ਕੁਦਰਤ ਦਾ ਸ਼ੁਕਰਗਜ਼ਾਰ ਹੁੰਦਾ ਏ

ਮਾਰੂਥਲ ਦੇ ਰੁੱਖਾਂ ਨੂੰ ਜਿਵੇਂ ਉਡੀਕ ਬਰਸਾਤਾਂ ਦੀ

ਓਵੇਂ ਹੀ "ਪਾਗਲ" ਨੂੰ ਓਹਦਾ ਇੰਤਜ਼ਾਰ ਹੁੰਦਾ ਏ

✍️ਪਾਗਲ ਸੁੰਦਰਪੁਰੀਆ

9649617982

ठारवां साल

तू कुदरत मेरी बनजा, मैं बन जाऊं लॉर्ड तेरा

तेरा नाम छपे उसमें जो बिया का कार्ड मेरा

ठारवां साल उम्र तेरी कच्ची

ये बात भी बिल्कुल सच्ची

आशिक़ मरदे वांग पतंगें

जवानी लट लट करके मच्ची

इक वारी हामी भरदे, बनजा बॉडीगार्ड तेरा

तेरा नाम छपे उसमें जो बिया का कार्ड मेरा

बता करी तुं केहड़ी शैतानी

"पागल" कर गई तेरी जवानी

जिस दिन दा तैनू वेखिया मैं

दिल में इश्क की चले रवानी

थारी गली में जब मैं आऊं, मन्ने देखे वार्ड तेरा

तेरा नाम छपे उसमें जो बिया का कार्ड मेरा

तेरा रस्ता जे कोई रोकु

ओहनू एक बार मैं टोकुं

फ़िर ना मानेगा जेहडा

ओहनु फड़के चौंक में ठोकुं

ऐ लंडूआं तो नहीं डरदा, यार घना है हार्ड तेरा

तेरा नाम छपे उसमें जो बिया का कार्ड मेरा

✍️पागल सुंदरपुरीया

ਨਸ਼ਾ ਛੰਦ

ਨਸ਼ਾ ਆਸ਼ਿਕ ਨੂੰ ਹੋਵੇ ਪਿਆਰ ਦਾ ਜੀ

ਨਸ਼ਾ ਨੇਤੇ ਨੂੰ ਹੋਵੇ ਸਰਕਾਰ ਦਾ ਜੀ

ਨਸ਼ਾ ਖੇਡ ਦਾ ਕਰੇ ਭਲਵਾਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

ਨਸ਼ਾ ਕਿਸੇ ਨੂੰ ਹੁੰਦਾ ਹੈ ਜਵਾਨੀ ਦਾ ਜੀ

ਨਸ਼ਾ ਕਿਸੇ ਨੂੰ ਅੱਖ ਮਸਤਾਨੀ ਦਾ ਜੀ 

ਨਸ਼ਾ ਜਿਸਮਾਂ ਦਾ ਹੁੰਦਾ ਸ਼ੈਤਾਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

ਨਸ਼ਾ ਦੌਲਤਾਂ ਦਾ ਚੈਨ ਨਾ ਪੈਣ ਦੇਵੇ

ਨਸ਼ਾ ਕੰਮ ਦਾ ਨਾ ਖਾਲੀ ਬਹਿਣ ਦੇਵੇ

ਨਸ਼ਾ ਫੌਜੀ ਨੂੰ ਕਰੇ ਕੁਰਬਾਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

ਨਸ਼ਾ ਅਫ਼ੀਮ ਦਾ ਸਕੀਮਾਂ ਕਰਵਾਏ

ਨਸ਼ਾ ਸ਼ਰਾਬ ਦਾ ਘਰੇ ਕਲੇਸ਼ ਪਾਏ

ਨਸ਼ਾ ਚਿੱਟੇ ਦਾ ਭੇਜੇ ਸ਼ਮਸ਼ਾਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

ਨਸ਼ਾ ਗੋਲੀਆਂ ਦਾ ਪਾਵੇ ਦੌਰਾ ਮਿੱਤਰੋ

ਨਸ਼ਾ ਪੋਸਤ ਦਾ ਕਰੇ ਬੌਰਾ ਮਿੱਤਰੋ

ਨਸ਼ਾ ਭੰਗ ਦਾ ਗੇੜੇ ਆਸਮਾਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

ਨਸ਼ਾ ਹੁੰਦਾ ਏ ਮਾੜਾ ਸੂਟੇ ਚਿਲਮਾਂ ਦਾ

ਨਸ਼ਾ ਭੈੜਾ ਹੁੰਦਾ ਪੋਰਨ ਫ਼ਿਲਮਾਂ ਦਾ

ਨਸ਼ਾ ਹਥੀਆਰਾਂ ਦਾ ਲੈਂਦਾ ਜਾਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

ਨਸ਼ਾ ਜੂਏ ਦਾ ਹੁੰਦਾ ਏ ਜੂਆਰੀਆਂ ਨੂੰ

ਨਸ਼ਾ ਲਿੱਖਣ ਦਾ ਹੁੰਦਾ ਲਿਖਾਰੀਆਂ ਨੂੰ

ਨਸ਼ਾ ਪਾੜ੍ਹੇ ਦਾ ਹੁੰਦਾ ਗਿਆਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

ਨਸ਼ਾ ਕਰੇ "ਪਾਗਲ" ਓਸ ਰਾਮ ਦਾ ਜੀ

ਗੁਣ ਗਾਉਂਦਾ ਹੈ ਓਹਦੇ ਨਾਮ ਦਾ ਜੀ

ਚੰਗਾ ਲੱਗਦਾ ਨਾ ਹੋਰ ਜਹਾਨ ਯਾਰੋ

ਸਾਰੇ ਨਸ਼ੇ ਕਰੂੰਗਾ ਮੈਂ ਬਿਆਨ ਯਾਰੋ

✍️ਪਾਗਲ ਸੁੰਦਰਪੁਰੀਆ

ਬਾਪੂ ਦੇ ਦਰਦ

ਦਰਦ ਸੁਣੋ ਜੀ ਇੱਕ ਬਾਪ ਦੱਸਦਾ

ਹੱਡੀ ਹੰਢਾਈਆਂ ਗਲਾਂ ਆਪ ਦੱਸਦਾ

ਬੁੱਢੇ ਵਰ੍ਹੇ ਆਕੇ ਜਵਾਂ ਟੁੱਟ ਚੱਲਿਆ 

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

ਮਸਾਂ ਰੱਬ ਕੋਲੋ ਸੁੱਖਾ ਸੁੱਖ ਲਏ ਸੀ

ਅੰਸ ਅੱਗੇ ਵਧੀ ਦੂਰ ਦੁੱਖ ਗਏ ਸੀ

ਲੇਖ ਚੰਦਰਾ ਓਦੋਂ ਰੱਬ ਸੁੱਟ ਚੱਲਿਆ

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

ਕਾਰ ਤੇ ਵਿਹਾਰ ਬੱਚਿਆਂ ਦੇ ਕਰੇ ਸੀ

ਭਾਰ ਲਾਕੇ ਓਦੋਂ ਠੰਢੇ ਸਾਹ ਭਰੇ ਸੀ

ਏ ਚਾਅ ਵੀ ਪਿੱਛੇ ਕਿਤੇ ਛੁੱਟ ਚੱਲਿਆ

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

ਆਖ ਬਾਪੂ ਬੁੱਢਾ ਜਿੰਮੇਵਾਰੀ ਖੋਈ ਸੀ

ਖੌਰੇ ਕਿਹੀ ਰੀਝ ਓਦੋਂ ਮੇਰੀ ਮੋਈ ਸੀ

ਅੱਲਾ ਪਿਆ ਫੱਟ ਫ਼ੇਰ ਫੁੱਟ ਚੱਲਿਆ

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

ਆਂਦੇ ਖੌਰੇ ਕਿੰਨੇ ਤੈਨੂੰ ਦੰਮ ਆਉਣੇ

ਬਾਪੂ ਖੇਤ ਤੇਰੇ ਕਿਸ ਕੰਮ ਆਉਣੇ

ਮਾਲੀ ਪਟਵਾਰੀ ਵੱਢ ਗੁੱਟ ਚੱਲਿਆ

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

ਹੁਣ ਖਾਤਿਰਦਾਰੀ ਨਹੀਂ ਮੇਰੀ ਕਰਦੇ

ਕਹਿ ਗੱਲ ਨਹੀਂ ਕੋਈ ਮੇਰੀ ਜਰਦੇ

ਕਈ ਵਾਰੀ ਮੈਨੂੰ ਛੋਟਾ ਕੁੱਟ ਚੱਲਿਆ

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

ਕੱਲਾ ਬੈਠਾ ਬੈਠਾ ਬਾਹਰ ਸੋਚੀ ਜਾਵਾਂ

ਕੋਈ ਹਾਲ ਸੁਣੇ ਬੇਲੀ ਲੋਚੀ ਜਾਵਾਂ

ਅੱਧਾ ਸਿਵਿਆਂ ਚ ਮੇਰਾ ਜੁੱਟ ਚੱਲਿਆ

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

ਹੱਥ ਪੈਰ ਮੇਰੇ ਕੰਮ ਛੱਡ ਚੱਲੇ ਨੇ

ਸਾਹ ਦੇਹ ਤੋਂ ਹੋ ਮੇਰੇ ਅੱਡ ਚੱਲੇ ਨੇ

ਕਬਰ ਮੇਰੀ ਵੀ ਸਮਾਂ ਪੁੱਟ ਚੱਲਿਆ

ਆਪਣੇ ਪੁੱਤਾਂ ਤੋਂ ਬਾਪ ਲੁੱਟ ਚੱਲਿਆ

✍️ ਪਾਗਲ ਸੁੰਦਰਪੁਰੀਆ

ਸੁਣ ਦਿੱਲੀਏ

 ਹਰ ਇੱਕ ਫੈਸਲੇ ਨੇ ਮਾਰਿਆ ਕਿਸਾਨ, 

ਅੱਜ ਤੱਕ ਸਰਕਾਰਾਂ ਸੀ ਜੋ ਦੋਵੇਂ ਦਿੱਲੀਏ.

ਮਰਦੇ ਕਿਸਾਨਾਂ ਲਈ ਤਾਂ ਬੋਲੀ ਨਹੀਂ ਕਦੇ,

ਜਦੋਂ ਬੰਬੇ ਵਾਲਾ ਮਰਦਾ ਤਾਂ ਰੋਵੇਂ ਦਿੱਲੀਏ..

ਮਨ ਕੀਆਂ ਬਾਤਾਂ ਤਾਂ ਸੁਨੋਦੇ ਦਿੱਲੀਓਂ, 

ਕਿਉਂ ਨਹੀਂ ਦਿੱਲ ਸਾਡੇ ਦੀਆਂ ਏਹੇ ਜਾਣ ਦੇ.

ਕਾਤੋਂ ਡੁੱਬ ਗਈ ਕਿਸਾਨੀ ਸਾਡੇ ਦੇਸ਼ ਦੀ, 

ਨੇਤੇ ਬੋਲਦੇ ਨਹੀਂ ਭਾਰਤ ਮਹਾਨ ਦੇ.

ਕਿਹੜਿਆਂ ਹਾਲਾਤਾਂ ਵਿੱਚ ਕੱਟੇ ਜ਼ਿੰਦਗੀ , 

ਕਦੇ ਦਰਦ ਕਿਸਾਨਾਂ ਦੇ ਨਾ ਟੋਵੇਂ ਦਿੱਲੀਏ..

ਮਰਦੇ ਕਿਸਾਨਾਂ ਲਈ ਤਾਂ ਬੋਲੀ ਨਹੀਂ ਕਦੇ, 

ਜਦੋਂ ਬੰਬੇ ਵਾਲਾ ਮਰਦਾ ਤਾਂ ਰੋਵੇਂ ਦਿੱਲੀਏ..

ਅਮੀਰਾਂ ਨੂੰ ਵੀ ਖਾਣ ਨੂੰ ਜੋ ਅੰਨ ਮਿਲਦਾ, 

ਕਿਸਾਨਾਂ ਦੇ ਪਸੀਨੇ ਨਾਲ ਪੱਕਦਾ.

ਗੱਲ ਘੋਟੂ ਫ਼ੈਸਲੇ ਜੋ ਕਰਦਾ ਕਿਸਾਨੀ ਤੇ , 

ਢਿੱਡ ਭਰਨੇ ਨੂੰ ਓਵੀ ਰੋਜ਼ ਰੋਟੀ ਛੱਕਦਾ.

ਦੋ ਵੱਕਤ ਦੀ ਰੋਟੀ ਸਾਨੂੰ ਖਾ ਲੈਣ ਦੇ, 

ਸਾਡੇ ਮੂੰਹਾਂ ਵਿਚੋਂ ਟੁੱਕ ਕਾਤੋਂ ਖੋਵੇਂ ਦਿੱਲੀਏ..

ਮਰਦੇ ਕਿਸਾਨਾਂ ਲਈ ਤਾਂ ਬੋਲੀ ਨਹੀਂ ਕਦੇ, 

ਜਦੋਂ ਬੰਬੇ ਵਾਲਾ ਮਰਦਾ ਤਾਂ ਰੋਵੇਂ ਦਿੱਲੀਏ..

ਦੇਸ਼ ਦੀ ਇਕੋਨਾਮੀ ਨੂੰ ਖੇਤੀ ਹੈ ਚਲਾਉਂਦੀ, 

ਪਰ ਖੇਤੀ ਦਾ ਹੀ ਅੱਜ ਬੁਰਾ ਹਾਲ ਹੈ.

ਅੰਬਾਨੀ ਤੇ ਅਡਾਨੀ ਮਾਰ ਦੇਣਗੇ ਕਿਸਾਨਾਂ ਨੂੰ, 

ਪੱਤਰਕਾਰ ਸਰਕਾਰ ਸੱਭ ਏਨਾ ਨਾਲ ਹੈ.

ਤੇਰਾ ਏਹੇ ਰੁੱਤਬਾ ਕਿਸਾਨਾਂ ਨੇ ਬਣਾਇਆ, 

ਨਹੀਂ ਤਾਂ ਕੱਖਾਂ ਨਾਲੋਂ ਹੌਲੀ ਤੂੰ ਹੋਵੇਂ ਦਿੱਲੀਏ..

ਮਰਦੇ ਕਿਸਾਨਾਂ ਲਈ ਤਾਂ ਬੋਲੀ ਨਹੀਂ ਕਦੇ, 

ਜਦੋਂ ਬੰਬੇ ਵਾਲਾ ਮਰਦਾ ਤਾਂ ਰੋਵੇਂ ਦਿੱਲੀਏ..

ਕਿਸਾਨ ਦੀ ਜਮੀਨ ਓਹਦੀ ਮਾਂ ਹੁੰਦੀ ਅ, 

ਜਦੋਂ ਬੈਂਕ ਵਾਲੇ ਕਰਦੇ ਨੀਲਾਮ ਕਿਵੇਂ ਜਰਲੇ.

ਸੁੰਦਰਪੁਰੀਆ" ਵੀ ਕਰਜ਼ੇ ਨੇ ਦੱਬ ਰੱਖਿਆ, 

ਕੋਈ ਪਤਾ ਨਹੀਂ ਸੁਸਾਇਡ ਕਿਹੜੇ ਵੇਲੇ ਕਰਲੇ.

ਪੰਜਾਬੀ ਸ਼ਾਇਰਾਂ ਚ ਨਾਮ ਤਾਂ ਲਿਖਾਉਗਾ , 

ਜਿਵੇਂ ਨੰਦ ਲਾਲ ਨੂਰਪੁਰੀ ਓਵੇਂ ਦਿੱਲੀਏ..

ਮਰਦੇ ਕਿਸਾਨਾਂ ਲਈ ਤਾਂ ਬੋਲੀ ਨਹੀਂ ਕਦੇ, 

ਜਦੋਂ ਬੰਬੇ ਵਾਲਾ ਮਰਦਾ ਤਾਂ ਰੋਵੇਂ ਦਿੱਲੀਏ..

✍️ਪਾਗਲ ਸੁੰਦਰਪੁਰੀਆ