ਦੁਸ਼ਮਣਾਂ ਤੋਂ ਨਹੀਂ ਅੱਜ ਕੱਲ ਯਾਰਾਂ ਤੋਂ ਡਰ ਲੱਗਦਾ,
ਗੁੰਡੇ ਬਦਮਾਸ਼ਾਂ ਤੋਂ ਨਹੀਂ ਸਰਕਾਰਾਂ ਤੋਂ ਡਰ ਲੱਗਦਾ,
ਜਾਲਮਾਂ ਹੱਥੋਂ ਜੁਲਮ ਸਹਿਣ ਦੀ ਆਦਤ ਪੈ ਗਈ ਏ
ਪਰ ਔਖੇ ਵੱਕਤ ਦੀਆਂ ਮਾਰਾਂ ਤੋਂ ਡਰ ਲਗਦਾ ।
ਸਾਰੀ ਉਮਰ ਗਵਾਕੇ ਮਿਹਨਤ ਨਾਲ ਕਮਾਏ ਬੰਦੇ ਨੇ
ਵਿੱਚ ਬੁਢਾਪੇ ਟੁੱਟਦੇ ਪਰਿਵਾਰਾਂ ਤੋਂ ਡਰ ਲੱਗਦਾ ।
ਸ਼੍ਰੀ ਸਾਹਿਬ ਸੀ ਦਿੱਤਾ ਗੁਰੂ ਨੇ ਜ਼ੁਲਮ ਮਟਾਉਣ ਲਈ
ਪਰ ਹੁਣ ਨਿਘਾਂ ਦੀਆਂ ਤਲਵਾਰਾਂ ਤੋਂ ਡਰ ਲਗਦਾ ।
ਪਾਕਿਸਤਾਨ, ਚੀਨ, ਨੇਪਾਲ ਤੋਂ ਦੇਸ਼ ਨੂੰ ਖ਼ਤਰਾ ਨਹੀਂ
ਦਿੱਲੀ ਦੇ ਵਿੱਚ ਬੈਠੇ ਪੱਤਰਕਾਰਾਂ ਤੋਂ ਡਰ ਲੱਗਦਾ ।
ਇੱਕ ਦੁੱਜੇ ਨਾਲ ਹੱਸਕੇ ਰਹਿੰਦੇ ਹਰ ਭਾਰਤ ਦੇਸ਼ ਦੇ ਵਾਸੀ ਨੂੰ
ਧਰਮ ਦੇ ਨਾਂ ਤੇ ਹੁੰਦੀਆਂ ਤਕਰਾਰਾਂ ਤੋਂ ਡਰ ਲਗਦਾ ।
"ਪਾਗਲ" ਦੇ ਘਰ ਪੁੱਤਰ ਦੇ ਨਾਲ ਤਾਹੀਂ ਧੀ ਨਾ ਆ ਸਕੀ
ਨੋਚ ਲੈਣ ਨਾ ਗਿੱਧਾਂ ਦੀਆਂ ਡਾਰਾਂ ਤੋਂ ਡਰ ਲਗਦਾ ।
✍️ਪਾਗਲ ਸੁੰਦਰਪੁਰੀਆ
