ਹਿੱਕਚੂ ਮਾਲਾ

ਸਾਰੇ ਹੀ ਬੱਚੇ

ਖੇਡ ਕੋਈ ਖੇਡਣੀ

ਹੋ ਗਏ ਕੱਠੇ

ਹੋ ਗਏ ਕੱਠੇ

ਮੌਸਮ ਸੀ ਸੋਹਣਾ

ਪੈ ਗਏ ਠੱਠੇ

ਪੈ ਗਏ ਠੱਠੇ

ਸੱਭ ਕੁੱਝ ਭੁੱਲਕੇ

ਝੱਲੇ ਹੋ ਨੱਚੇ

ਝੱਲੇ ਹੋ ਨੱਚੇ

ਪੇੜਾਂ ਵੱਲ ਤੱਕਣ

ਝੂਲਦੇ ਪੱਤੇ

ਝੂਲਦੇ ਪੱਤੇ

ਪੰਛੀ ਉੱਤੇ ਬੈਠਣ

ਹਜੇ ਸੀ ਲੱਗੇ

ਹਜੇ ਸੀ ਲੱਗੇ

ਸਾਰੇ ਹੀ ਬੱਚਿਆਂ ਨੂੰ

ਵਾਧੂ ਸੀ ਫੱਬੇ

ਵਾਧੂ ਸੀ ਫੱਬੇ

ਇੱਕ ਬੱਚੇ ਦਾ ਚਾਚਾ

ਖੜਾ ਸੀ ਗੱਬੇ

ਖੜਾ ਸੀ ਗੱਬੇ

ਡੱਕਾ ਟੋਕਰਾ ਰੱਸੀ

ਚਾਚੇ ਨੇ ਲੱਭੇ

ਚਾਚੇ ਨੇ ਲੱਭੇ

ਚੋਗਾ ਲਿਆ ਖਿਲਾਰ

ਲੁੱਕੇ ਸੀ ਸੱਭੇ

ਲੁਕੇ ਸੀ ਸੱਭੇ

ਭਾਂਤ ਭਾਂਤ ਦੇ ਦਾਣੇ

ਪੰਛੀਆਂ ਚੱਬੇ

ਪੰਛੀਆਂ ਚੱਬੇ

ਫ਼ੇਰ ਰੱਸੀ ਨੂੰ ਖਿੱਚ

ਪੰਛੀ ਸੀ ਦੱਬੇ

ਪੰਛੀ ਸੀ ਦੱਬੇ

ਬੰਦਿਆ ਨੇ ਪੰਛੀ ਦੇ

ਖ਼ਾਬ ਸੀ ਨੱਪੇ

ਖ਼ਾਬ ਸੀ ਨੱਪੇ

ਇੱਕ ਸਿਆਣੇ ਓਦੋਂ

ਥੱਪੜ ਚੱਕੇ

ਥੱਪੜ ਚੱਕੇ

ਖੁੱਲ੍ਹੇ ਛੱਡਕੇ ਪੰਛੀ

ਸਾਰੇ ਸੀ ਭੱਜੇ

ਸਾਰੇ ਸੀ ਭੱਜੇ

ਲਾਲਚ ਵਾਲੇ ਦਾਣੇ

ਨਾ ਖਾਓ ਕੱਚੇ

ਨਾ ਖਾਓ ਕੱਚੇ

"ਪਾਗਲ" ਹਿੱਕਚੂ ਮਾਲਾ

ਨਾ ਜਾਣੀ ਟੱਪੇ

✍️ ਪਾਗਲ ਸੁੰਦਰਪੁਰੀਆ

ਗੱਲ

ਗੱਲਾਂ ਗੱਲਾਂ ਵਿੱਚ ਐਸੀ ਗੱਲ ਹੋਜੇ,

ਕਦੇ ਖਿਲਾਫ਼ ਮੇਰੇ ਕਦੇ ਵੱਲ  ਹੋਜੇ,

ਬੇਤੁੱਕੀ ਗੱਲ ਨਾਲ ਪੈ ਵੈਰ ਜਾਂਦੇ,

ਚੰਗੀ ਗੱਲ ਨਾਲ ਮਸਲਾ ਹੱਲ ਹੋਜੇ,

ਮਿੱਠੀ ਗੱਲ ਦਿਲਾਂ ਚ ਪਿਆਰ ਪਾਵੇ

ਕੀਤੀ ਲਾਕੇ ਗੱਲ ਤਾਂ ਸੀਨੇ ਸੱਲ ਹੋਜੇ,

✍️ਪਾਗਲ ਸੁੰਦਰਪੁਰੀਆ

ਇੰਦੌਰੀ

ਦੋ ਮੁਲਕਾਂ ਦੀ ਜੁਬਾਨ ਸੀ ਇੰਦੌਰੀ

ਪਾਕ ਅਤੇ ਹਿੰਦੁਸਤਾਨ ਸੀ ਇੰਦੌਰੀ

ਕਿਵੇਂ ਧਰਮ ਭਾਸ਼ਾ ਦਾ ਸਤਕਾਰ ਕਰਨਾ

ਦੱਸਦਾ ਰਿਹਾ ਭਾਵੇਂ ਖਾਣ ਸੀ ਇੰਦੌਰੀ

ਨਫ਼ਰਤਾਂ ਨਾਲ ਦੁਸ਼ਮਣੀ ਨਿਭੋਂਦਾ ਰਿਹਾ

ਮੁਹੱਬਤ ਦੀ ਤਾਂ ਜਿੰਦ ਜਾਣ ਸੀ ਇੰਦੌਰੀ

ਡਰ ਲੱਗਦਾ ਕਿਤੇ ਹੁਣ ਗੁੰਮ ਨਾ ਜਾਵੇ

ਉਰਦੂ ਅਦਬ ਦੀ ਪਹਿਚਾਣ ਸੀ ਇੰਦੌਰੀ

ਸ਼ਬਦਾਂ ਦੇ ਤੀਰ ਦਿਲਾਂ ਤੇ ਖਿੱਚ ਸੀ ਲਾਉਂਦਾ

ਬੜਾ ਹੀ ਬਾਕਮਾਲ ਕਮਾਨ ਸੀ ਇੰਦੌਰੀ

ਸ਼ਾਇਰੀ ਪਾਗਲ ਦੇ ਦਿੱਲ ਨੂੰ ਸਕੂਨ ਦੇਵੇ

ਮੁਸ਼ਾਇਰੇ ਦਾ ਯੋਧਾ ਬਲਵਾਨ ਸੀ ਇੰਦੌਰੀ

✍️ ਪਾਗਲ ਸੁੰਦਰਪੁਰੀਆ

कई बार

कई बार हालात बुरे, कई बार अच्छे होते हैं,

कई बार दोस्त झूठे,और दुश्मन सच्चे होते है,

"पागल" छोड़ दे उनको अपना फ़लसफ़ा बताना.

तेरे रुतबे का अंदाज़ा लगाने वाले बच्चे होते है।

✍️पागल सुंदरपुरीया

ਪਾਗਲ ਸੱਚੀਆਂ ਕਹਿੰਦਾ 4

 ਵਪਾਰ ਵਿੱਚ ਮੰਦਾ

ਅਵਸਰਵਾਦੀ ਬੰਦਾ

ਦੋ ਨੰਬਰ ਦਾ ਧੰਦਾ

ਕਰਜੇ ਵਾਲਾ ਫੰਦਾ

ਪਾਗਲਾ" ਮਾਰੇ ਬਿਨਾਂ ਨਹੀਂ ਛੱਡਦੇ 

✍️ਪਾਗਲ ਸੁੰਦਰਪੁਰੀਆ

ਪਾਗਲ ਸੱਚੀਆਂ ਕਹਿੰਦਾ 3

ਦੂਜੇ ਦਾ ਸੁੱਖ

ਆਪਣਾ ਦੁੱਖ

ਪੈਸੇ ਦੀ ਭੁੱਖ

ਸੁੰਨੀ ਰਹੀ ਕੁੱਖ

ਹੱਸਦਾ ਹੋਇਆ ਮੁੱਖ

ਪਾਗਲਾ" ਚੈਨ ਨਹੀਂ ਪੈਣ ਦਿੰਦੇ

✍️ਪਾਗਲ ਸੁੰਦਰਪੁਰੀਆ 

9649617982

ਪਾਗਲ ਸੱਚੀਆਂ ਕਹਿੰਦਾ 2

ਕਿਰਪਾਨ ਮਿਆਨ ਚੋਂ

ਕੌੜੇ ਸ਼ਬਦ ਜੁਬਾਨ ਚੋਂ

ਕੋਈ ਗੁਰੂ ਗਿਆਨ ਚੋਂ

ਅਕਾਗ੍ਰਤਾ ਧਿਆਨ ਚੋਂ

ਪਾਗਲਾ" ਨਿਕਲੇ ਬਹੁਤ ਮਾੜੇ ਆ

✍️ਪਾਗਲ ਸੁੰਦਰਪੁਰੀਆ

9649617982