ਅੱਜ ਕੱਲ ਏ ਅੱਤਵਾਦੀ ਹੋ ਗਏ
ਦੇਸ਼ ਲਈ ਵੱਖਵਾਦੀ ਹੋ ਗਏ
ਸੜਕ ਤੇ ਬੈਠੇ ਮੇਰੇ ਕਿਸਾਨ
ਮੈਨੂੰ ਨਾ ਆਖੋ, ਨਾ ਆਖੋ ਭਾਰਤ ਮਹਾਨ
ਮੈਨੂੰ ਨਾ ਆਖੋ
ਵੰਡੀਆਂ ਜਾਤ ਪਾਤ ਦੀਆਂ ਪਾਈਆਂ
ਧਰਮ ਦੇ ਨਾਂਅ ਤੇ ਹੋਣ ਲੜਾਈਆਂ
ਐਥੇ ਹੋਈ ਜਾਂਦਾ ਘਾਣ
ਮੈਨੂੰ ਨਾ ਆਖੋ, ਨਾ ਆਖੋ ਭਾਰਤ ਮਹਾਨ
ਮੈਨੂੰ ਨਾ ਆਖੋ
ਨੇਤੇ ਬਣਗੇ ਦੱਲੇ ਸਾਰੇ
ਪੂੰਜੀਵਾਦ ਨੇ ਲੋਕੀਂ ਮਾਰੇ
ਮੇਰੀ ਇਸ ਵਿੱਚ ਕੈਸੀ ਸ਼ਾਨ
ਮੈਨੂੰ ਨਾ ਆਖੋ, ਨਾ ਆਖੋ ਭਾਰਤ ਮਹਾਨ
ਮੈਨੂੰ ਨਾ ਆਖੋ
ਲੋਕ ਤੰਤਰ ਤੇ ਬੰਬ ਗਿਰ ਗਿਆ
ਸੰਵਿਧਾਨ ਦਾ ਚੌਥਾ ਥੰਮ ਗਿਰ ਗਿਆ
ਸਾਰਾ ਵੇਖ ਰਿਹਾ ਜਹਾਨ
ਮੈਨੂੰ ਨਾ ਆਖੋ, ਨਾ ਆਖੋ ਭਾਰਤ ਮਹਾਨ
ਮੈਨੂੰ ਨਾ ਆਖੋ
ਸੁੰਦਰਪੁਰੀਆ" ਤੈਨੂੰ ਦਰਦ ਸੁਣਾਵਾਂ
ਹੱਥੋਂ ਆਪਣਿਆ ਨਿੱਤ ਵਿੱਕਦਾ ਜਾਵਾਂ
ਮੇਰੀ ਨਿੱਕਲਦੀ ਜਾਂਦੀ ਜਾਨ
ਮੈਨੂੰ ਨਾ ਆਖੋ, ਨਾ ਆਖੋ ਭਾਰਤ ਮਹਾਨ
ਮੈਨੂੰ ਨਾ ਆਖੋ
✍️ਪਾਗਲ ਸੁੰਦਰਪੁਰੀਆ
