ਦੁਸ਼ਮਣ ਮਾਰ ਦਿੰਦਾ ਸਾਨੂੰ ਸਾਡੇ ਸੱਜਣ ਤੋਂ ਪਹਿਲਾਂ
ਰੱਬਾ ਉੱਜੜ ਹੀ ਜਾਂਦੇ ਅਸੀਂ ਵੱਸਣ ਤੋਂ ਪਹਿਲਾਂ
ਸਾਡੀ ਅੰਤਿਮ ਇੱਛਾ ਪੁੱਛ ਲੈਂਦਾ ਦਰਬਾਈ ਜ਼ਾਲਮਾਂ
ਰੱਸਾ ਫ਼ਾਹੇ ਆਲਾ ਗੱਲ ਵਿੱਚ ਕੱਸਣ ਤੋਂ ਪਹਿਲਾਂ
ਅਣਮੁੱਲੀਆਂ ਜਾਣਾ ਤੈਥੋਂ ਕੁਰਬਾਨ ਕੀਤੀਆਂ ਨੇ
ਓਏ ਲੋਕ ਤੰਤਰਾ ਤੇਰੀ ਕੁਰਸੀ ਖੱਟਣ ਤੋਂ ਪਹਿਲਾਂ
ਦੁੱਖਾਂ ਦੇ ਨਾਲ ਸਾਰੀ ਜ਼ਿੰਦਗੀ ਸਾਂਝਾ ਰਹਿਣੀਆਂ ਨੇ
ਸੁੱਖ ਦੱਸ ਤਾਂ ਜਾਂਦਾ ਸਾਡੇ ਕੋਲੋਂ ਨੱਸਣ ਤੋਂ ਪਹਿਲਾਂ
ਮੂੰਹ ਵਿੱਚ ਬੋਲ ਹੈ ਤਾਂ ਬੋਲਾਂਗੇ ਹਰਗਿਜ਼ ਹਰ ਪੱਲ
ਇਨਕਲਾਬ ਜ਼ਿੰਦਾਬਾਦ ਜੁਬਾਨ ਕੱਟਣ ਤੋਂ ਪਹਿਲਾਂ
550 ਸਾਲ ਪੁਰਾਣਾ ਇਤਿਹਾਸ ਤਾਂ ਪੜ੍ਹ ਲੈਂਦਾ
ਨਾਨਕ ਦੇ ਪੁੱਤਰਾਂ ਦੀਆਂ ਜੜਾਂ ਪੱਟਣ ਤੋਂ ਪਹਿਲਾਂ
ਬੇਗੈਰਤ ਆਖੂ ਦੁਨੀਆਂ ਤੂੰ ਕੁੱਝ ਸੋਚਿਆ ਕਰ
ਹਾਕਮਾਂ ਝੂਠ ਨੂੰ ਹਰ ਪੱਲ ਰੱਟਣ ਤੋਂ ਪਹਿਲਾਂ
ਜ਼ਮੀਰ ਵੇਚਿਆ ਦੱਸਦੇ ਸੱਸਤੇ ਮੁੱਲ ਵਿੱਚ ਕਿਉਂ
ਹੁਣ ਲਾਸ਼ਾਂ ਦਾ ਮੁੱਲ ਮਹਿੰਗਾ ਵੱਟਣ ਤੋਂ ਪਹਿਲਾਂ
ਸੁੰਦਰਪੁਰੀਆ ਪਾਗਲ ਆਖੇ ਰੱਬਾ ਚੁੱਕਲਾ ਤੂੰ
ਇੰਤਕਾਲ ਏ ਮੰਜ਼ਰ ਅੱਖਾਂ ਦੇ ਤੱਕਣ ਤੋਂ ਪਹਿਲਾਂ
✍️ਪਾਗਲ ਸੁੰਦਰਪੁਰੀਆ
