ਆਕੜ

ਆਕੜ ਰੱਖ ਪੱਲੇ ਸੱਜਣਾ ਤੇਰੀ ਆ,

ਜਿਵੇਂ ਮੈਂ ਮੇਰੀ ਓਵੇਂ ਹੀ ਤੈਂ ਤੇਰੀ ਆ,

ਪੱਕਿਆ ਹੀ ਅੰਬ ਕਹਾਉਂਦਾ ਏ.

ਕੱਚਾ ਤਾਂ ਕਹਿੰਦੇ ਹੁੰਦਾ ਕੇਰੀ ਆ,

ਸ਼ਾਂਤ ਹੁੰਦੀ ਅਕਸਰ ਓਦੋਂ ਕੁਦਰਤਿ.

ਜਦੋਂ ਮੀਂਹ ਜਾਂ ਆਉਂਦੀ ਹਨੇਰੀ ਆ,

ਧਰਤੀ ਘੁੰਮਣ ਨੂੰ ਘੰਟੇ 24 ਲੱਗਦੇ

ਅੱਜ ਚੜ੍ਹਤ ਤੇਰੀ ਪੱਕਾ ਕੱਲ ਮੇਰੀ ਆ,

 

"ਸੁੰਦਰਪੁਰੇ" ਦੇ ਲੋਕ ਪਾਗਲਾ ਪਾਗਲ ਨੇ.

ਏ ਗੱਲ ਸੋਲਾਂ ਆਨੇ ਪੱਕੀ ਚਾਲੀ ਸੇਰੀ ਆ।

✍️ਪਾਗਲ ਸੁੰਦਰਪੁਰੀਆ

9649617982

ਮੇਰੇ ਸਵਾਲ

ਦੋਗਲੇਪਨ ਵਿੱਚ ਨੱਪ ਲਿਆ ਪਾਸਾ, ਓ ਪਾਸਾ ਕਿਹੜਾ ਏ?

ਮਾਤਮ ਤੇ ਜਿਹੜੇ ਲੋਕੀਂ ਹੱਸਦੇ ਹਾਸਾ, ਓ ਹਾਸਾ ਕਿਹੜਾ ਏ?

ਮੈਨੂੰ ਦੱਸਦੋ ਜ਼ਰਾ ਮੇਰੇ ਯਾਰੋ ਥੋਨੂੰ ਦਿੱਤਾ ਕਦੋਂ ਕਿਸੇ ਦਿਲਾਸਾ ਏ.?

ਰੱਬ ਦੇ ਨਾਂ ਤੇ ਲੁੱਟਕੇ ਲਈ ਜਾਵੇ ਦਾਸਾ, ਓ ਦਾਸਾ ਕਿਹੜਾ ਏ?

ਬਣਦਾ ਰੱਬ ਓ ਸਾਧ ਉਪਰ ਤੋਂ ਨਾਸਾ, ਓ ਨਾਸਾ ਕਿਹੜਾ ਏ?

ਮੈਨੂੰ ਦੱਸਦੋ ਜ਼ਰਾ ਮੇਰੇ ਯਾਰੋ ਥੋਨੂੰ ਦਿੱਤਾ ਕਦੋਂ ਕਿਸੇ ਦਿਲਾਸਾ ਏ.?

ਖਾਣ ਤੋਂ ਬਾਅਦ ਸ਼ੂਗਰ ਕਰੇ ਪਤਾਸਾ, ਓ ਪਤਾਸਾ ਕਿਹੜਾ ਏ?

ਕਿਸੇਦੀ ਦੱਬ ਮਜ਼ਦੂਰੀ ਲੈਂਦਾ ਬੰਦਾ ਖਾਸਾ, ਓ ਖਾਸਾ ਕਿਹੜਾ ਏ?

ਮੈਨੂੰ ਦੱਸਦੋ ਜ਼ਰਾ ਮੇਰੇ ਯਾਰੋ ਥੋਨੂੰ ਦਿੱਤਾ ਕਦੋਂ ਕਿਸੇ ਦਿਲਾਸਾ ਏ.?

ਪਾਗਲਾ ਮੌਤ ਤੋਂ ਪਹਿਲਾਂ ਦਿੰਦੇ ਸੀ ਝਾਂਸਾ, ਓ ਝਾਂਸਾ ਕਿਹੜਾ ਏ?

ਸੁੰਦਰਪੁਰੀਆ" ਸੱਚੀ ਲੋਕ ਫੇਰਦੇ ਮਾਂਝਾ, ਓ ਮਾਂਝਾ ਕਿਹੜਾ ਏ?

ਮੈਨੂੰ ਦੱਸਦੋ ਜ਼ਰਾ ਮੇਰੇ ਯਾਰੋ ਥੋਨੂੰ ਦਿੱਤਾ ਕਦੋਂ ਕਿਸੇ ਦਿਲਾਸਾ ਏ.?

ਲੇਖਕ - ਪਾਗਲ ਸੁੰਦਰਪੁਰੀਆ

9649617982

ਪਹਿਲੇ ਪਿਆਰ ਦੀ ਦੂਜੀ ਮੁਲਾਕਾਤ

ਓਹਦੇ ਮੇਰੇ ਪਿਆਰ ਦੀ ਮੈਂ ਦੱਸਾਂ ਯਾਰ ਕਹਾਣੀ

ਮੈਂ ਸੀ ਓਹਦੋਂ ਪਾਗਲ ਬਾਹਲਾ ਓ ਸੀ ਬਹੁਤ ਸਿਆਣੀ

ਦੂਜੀ ਵਾਰੀ ਫੇਰ ਮਿਲੇ ਜੱਦ ਦੋ ਰੂਹਾਂ ਦੇ ਹਾਣੀ

ਮੈਂ ਓਹਦੇ ਦਿਲ ਦਾ ਰਾਜਾ ਬਣਿਆ ਓ ਮੇਰੇ ਦਿਲ ਦੀ ਰਾਣੀ

ਗੁੱਲੀ ਡੰਡਾ ਖੇਡਣ ਲੱਗੇ ਮੈਂ ਤੇ ਮੇਰੇ  ਹਾਣੀ

ਵਿੱਚ ਦਰਵਾਜ਼ੇ ਬੈਠੀ ਓਹੋ ਬੁਣਦੀ ਪਈ ਸੀ ਤਾਣੀ

ਮੈਂ ਤਾੜੀ ਜੱਦ ਮਾਰੀ ਓਹਨੇ ਵੇਖਿਆ ਵਿਰਲਾ ਥਾਣੀਂ

ਮੈਨੂੰ ਵੇਖਣ ਮਾਰੀ ਚੜਗੀ ਕੋਠੇ ਤੇ ਮਰਜਾਣੀ

ਅਕਲ ਮੇਰੀ ਨੇ ਜੁੱਗਤੀ ਦੱਸੀ ਪੱਜ ਮਿਲਣ ਦਾ ਘੜਿਆ

ਫੇਰ ਮੈਂ ਗੁੱਲੀ ਤੇ ਡੰਡੇ ਨਾਲ ਟੁੱਲ ਜ਼ੋਰ ਦੀ ਜੜਿਆ

ਬਿਸ਼ਨੋ ਕੇ ਕੋਠੇ ਤੇ ਸਿੱਟਤੀ ਮੇਰਾ ਆੜੀ ਮੈਨੂੰ ਲੜਿਆ

ਨੋਹਰੇ ਵਾਲੀ ਕੰਧ ਟੱਪ ਮੈਂ ਓਸ ਕੋਠੇ ਤੇ ਚੜ੍ਹਿਆ

ਮੈਨੂੰ ਵੇਖਕੇ ਡਿੱਗ ਪਿਆ ਓਹਦੇ ਹੱਥ ਵਿੱਚ ਸੀ ਜੋ ਫੜਿਆ

ਫੇਰ ਹੱਸਕੇ ਕਹਿੰਦੀ ਮੈਂ ਤਾਂ ਡਰ ਗਈ ਸੀ ਵੇ ਅੜਿਆ

ਨਜ਼ਰਾਂ ਦੇ ਵਿੱਚ ਨਜ਼ਰਾਂ ਪਾ ਅਸੀਂ ਇੱਕ ਦੂਜੇ ਨੂੰ ਪੜ੍ਹਿਆ

ਆ ਸਾਰਾ ਕੁੱਝ ਹੁੰਦਾ ਵੇਖ ਮੇਰਾ ਬੇਲੀ ਬਾਹਲਾ ਸਾੜਿਆ

ਫੇਰ ਮੈਂ ਵੀ ਕੁੱਝ ਨਾ ਬੋਲਿਆ ਨਾ ਓ ਕੁੱਝ ਬੋਲੀ

ਬਹਿਕੇ ਓਹਨੇ ਚੱਕ ਲਈ ਜੋ ਹੱਥੋਂ ਛੁੱਟੀ ਸੀ ਡੋਲੀ

ਮੈਂ ਕਿਹਾ ਨਾਂ ਤਾਂ ਤੇਰਾ ਦੱਸਦੇ ਓ ਕਹਿੰਦੀ ਭੋਲੀ

ਸੀ ਵਾਜ਼ਾਂ ਆੜੀ ਮਾਰਦੇ ਓਏ ਹੁਣ ਤਾਂ ਆਜਾ ਰੌਲੀ

ਐਨੇ ਵਿੱਚਦੀ ਆ ਗਿਆ ਘਰੇ ਓਹਦਾ ਫੁੱਫੜ

ਜੋ ਜ਼ਰਦਾ ਬੀੜੀ ਲਾਉਂਦਾ ਨਾਲੇ ਖਾਂਦਾ ਸੀ ਭੁੱਕੜ

ਪੀਕੇ ਦਾਰੂ ਆਇਆ ਸੀ ਕਹਿੰਦਾ ਖਾਣਾ ਕੁੱਕੜ

ਓਦਰੋਂ ਬਿਸ਼ਨੋ ਚੱਕ ਲਿਆ ਫੇਰ ਚੌਂਕਿਓਂ ਘੋਟਾ

ਬਾਹਰੋਂ ਭੱਜਕੇ ਆ ਗਿਆ ਓਹਦਾ ਭਾਈ ਛੋਟਾ

ਫੇਰ ਬੀਰੇ ਅਮਲੀ ਚੱਕਿਆ ਇੱਕ ਡੰਡਾ ਮੋਟਾ

ਮੈਂ ਵੀ ਓਹਦੋਂ ਛੱਤ ਤੋਂ ਗੁੱਲੀ ਲੱਭਣ ਲੱਗਿਆ

ਓ ਕਮਲੀ ਦਾ ਦਿਲ ਵੀ ਓਹਦੋਂ ਕੰਬਣ ਲੱਗਿਆ

ਭੋਲੀ ਉਤਰੀ ਪੌੜੀਆਂ ਮੈਂ ਕੰਧੋਂ ਛਾਲ ਸੀ ਮਾਰੀ

ਕੁੱਟ ਕੇ ਭਿਸ਼ਨੋ ਕਰਤੀ ਜਿਉਂ ਰੋਡਵੇਜ਼ ਦੀ ਲਾਰੀ

ਇਹਨੇ ਵਿੱਚਦੀ ਪਹੁੰਚ ਗਈ ਓਥੇ ਜਨਤਾ ਸਾਰੀ

ਕਹਿੰਦੇ ਬੀਰਾ ਅਮਲੀ ਸੀ ਅੱਜ ਬਿਸ਼ਨੋ ਉੱਤੇ ਭਾਰੀ

ਝੋਲਾ ਬਣਕੇ ਕੀਤੀ ਬਿਸ਼ਨੋ ਨੇ ਪੇਕੇ ਵੱਲ ਤਿਆਰੀ

ਕਹੇ ਨਹੀਂ ਰਹਿੰਦੀ ਮੈਂ ਤੇਰੇ ਗੱਲ ਪੱਕੀ ਮੰਨ 'ਚ ਧਾਰੀ

ਝੋਲਾ ਚੱਕ ਕੇ ਚੱਲ ਪਈ ਨਾਲ ਮੇਰੀ ਜਾਨ ਪਿਆਰੀ

ਇੱਕ ਦੁੱਜੇ ਵੱਲ ਵੇਹੰਦੇ ਰਹਿ ਗਏ ਆ ਕੀ ਕੁੱਝ ਹੋਇਆ

ਦੇਣ ਤੋਂ ਪਹਿਲਾਂ ਸਾਨੂੰ ਰੱਬਾ ਸਾਥੋਂ ਸੱਭ ਕੁੱਝ  ਖੋਇਆ

ਨਾ ਸੀ ਓਹਦੋਂ ਜਿਉਂਦਾ ਮੈਂ ਤੇ ਨਾ ਸੀ ਲੱਗਦਾ ਮੋਇਆ

ਨਹਿਰ ਤੱਕ ਤਾਂ ਪਿੱਛੇ ਪਿੱਛੇ ਮੈਂ ਵੀ ਪੈਦਲ ਹੋਇਆ

ਪੁੱਲ ਤੇ ਬਹਿਕੇ ਸੁੰਦਰਪੁਰੀਆ ਫੇਰ ਉੱਚੀ ਉੱਚੀ ਰੋਇਆ

ਨਾਹੀ ਦਿਨ ਨੂੰ ਚੈਨ ਪਈ ਸੀ ਕਦੇ ਨਹੀਂ ਰਾਤ ਨੂੰ ਸੋਇਆ

ਦੋ ਰੂਹਾਂ ਦੇ ਵਿੱਚ ਲੜਾਈ ਵੈਰਨ ਬਣਕੇ ਆਈ

ਦੂਜੀ ਮੁਲਾਕਾਤ ਵੀ ਯਾਰੋ ਭੁੱਲਦੀ ਨਹੀਂ ਭੁਲਾਈ

✍️ਪਾਗਲ ਸੁੰਦਰਪੁਰੀਆ

9649617982

ਸਲਾਹ

ਇੱਕ ਦੇਵਾਂ ਤੈਨੂੰ ਮੁਫ਼ਤ ਸਲਾਹ ਪਾਗਲਾ,

ਮੇਰੀ ਗੱਲ ਤੇ ਧਿਆਨ ਥੋੜਾ ਲਾ ਪਾਗਲਾ,

ਕਿਸੇ ਚਗ਼ਲ ਦੀ ਉਂਗਲ ਤੇ ਚੜੀ ਨਾ ਕਦੇ.

ਏ ਭੈੜੀ ਚੱਕ ਦਿੰਦੀ ਹੈ ਮਰਵਾ ਪਾਗਲਾ,

ਚਾਦਰ ਵੇਖ ਕੇ ਪੈਰ ਪਸਾਰਿਆ ਕਰ.

ਐਵੇਂ ਲਏਂਗਾ ਝੁੱਗਾ ਚੌੜ ਕਰਾ ਪਾਗਲਾ,

ਸਮਝ ਕੇ ਕਿਸੇ ਨੂੰ ਕਮਜ਼ੋਰ ਨਾ ਲੜਿਆ ਕਰ.

ਹੁੰਦੇ ਭੱਜਦਿਆਂ ਇੱਕੋ ਜਿਹੇ ਰਾਹ ਪਾਗਲਾ,

ਮਿਹਨਤ ਕਰਕੇ ਰੁੱਖੀ ਸੁੱਖੀ ਖਾਈ ਚੱਲ.

ਇੱਜਤ ਰੋਲ ਦਿੰਦੇ ਲਾਏ ਹੋਏ ਦਾਅ ਪਾਗਲਾ,

ਦੋ ਭਾਈ ਲੜਦਿਆਂ ਨੂੰ ਵੇਖਕੇ ਸ਼ਰੀਕਾਂ ਕੋਲੋ.

ਚੱਕਿਆ ਨਹੀਂ ਜਾਂਦਾ ਕਦੇ ਚਾਅ ਪਾਗਲਾ,

ਕਾਵਾਂ ਦੇ ਆਖਿਆਂ ਮਰਦੇ ਨਹੀਂ ਢੱਗੇ ਹੁੰਦੇ.

ਆਉਣੇ ਰੱਬ ਨੇ ਲਿਖੇ ਜਿੰਨੇ ਸਾਹ ਪਾਗਲਾ,

ਚਾਹੇ ਨੰਗ਼ ਹੋਵੇ, ਚਾਹੇ ਹੋਵੇ ਕੋਈ ਰਾਜਾ.

ਹੋਣਾ ਸਾਰਿਆਂ ਨੇ ਸੜ ਕੇ ਸਵਾਹ ਪਾਗਲਾ,

ਰੱਖੀਂ ਸਾਰਿਆਂ ਦੇ ਵਿਹੜੇ ਖੁਸ਼ੀਆਂ ਦੇ ਖੇੜੇ.

ਨਾਨਕ ਸਾਹਿਬ ਨੂੰ ਏਹੀ ਕਰ ਦੁਆ ਪਾਗਲਾ!

✍️ ਪਾਗਲ ਸੁੰਦਰਪੁਰੀਆ 

9649617982

ਗੱਲ

ਗੱਲਾਂ ਗੱਲਾਂ ਵਿੱਚ ਐਸੀ ਗੱਲ  ਹੋਜੇ,

ਕਦੇ ਖਿਲਾਫ਼ ਮੇਰੇ ਕਦੇ ਵੱਲ  ਹੋਜੇ,

ਬੇਤੁੱਕੀ ਗੱਲ ਨਾਲ ਪੈ ਵੈਰ ਜਾਂਦੇ,

ਚੰਗੀ ਗੱਲ ਨਾਲ ਮਸਲਾ ਹੱਲ ਹੋਜੇ,

ਮਿੱਠੀ ਗੱਲ ਦਿਲਾਂ 'ਚ ਪਿਆਰ ਪਾਵੇ

ਕੀਤੀ ਲਾਕੇ ਗੱਲ ਤਾਂ ਸੀਨੇ ਸੱਲ ਹੋਜੇ,

ਪਾਗਲ" ਨੂੰ ਤਾਹਨੇ ਮਿਲਦੇ ਨੇ ਗੱਲਾਂ 'ਚ

ਏ ਗੱਲਾਂ ਨੂੰ ਕਹਦਿਓ ਕੋਈ ਨਾ ਚੱਲ ਹੋਜੇ।

✍️ਪਾਗਲ ਸੁੰਦਰਪੁਰੀਆ

ਆਸ਼ਿਕ

ਇੱਕ ਜਿਹੋ ਨਹੀਂ ਹੁੰਦੇ ਕਦੇ ਵੀ ਹੁੰਦੇ ਨੇ ਬਹੁਰੰਗੇ ਆਸ਼ਿਕ,

ਕੁੱਝ ਕ ਨੇ ਰੂਹ ਦੇ ਦੀਵਾਨੇ ਬਹੁਤੇ ਸੋਚ ਦੇ ਗੰਦੇ ਆਸ਼ਿਕ,

ਹੁਸਨ ਜ਼ਿਸਮ ਹਵਸ ਦੀ ਹਰ ਦਮ ਭਾਲ 'ਚ ਭਟਕਦੇ ਨੇ..

ਸੁੰਦਰਪੁਰੀਆ" ਹੁੰਦੇ ਨੇ ਸ਼ੈਤਾਨ ਇੱਜਤੋਂ ਲੰਡੇ ਆਸ਼ਿਕ,

ਜਿਹੜੇ ਆਪਣੀ ਮਾਸ਼ੂਕ ਨੂੰ ਆਪਣੀ ਜ਼ਾਨ ਸਮਝਦੇ ਨੇ..

ਅਰਦਾਸਿ ਮੇਰੀ ਜਿਉਂਦੇ ਰਹਿਣ ਐਸੇ ਰੱਬਾ ਚੰਗੇ ਆਸ਼ਿਕ,

ਸਮਾਜ਼, ਵਤਨ, ਭਾਈਚਾਰੇ ਨੂੰ ਸੀ ਪਿਆਰ ਜੋ ਕਰਦੇ..

ਸਮੇਂ ਸਮੇਂ ਦੀਆਂ ਸਰਕਾਰਾਂ ਨੇ ਸੂਲੀ ਉੱਤੇ ਟੰਗੇ ਆਸ਼ਿਕ,

ਹੱਸ ਹੱਸ ਕੇ ਚੁੰਮ ਗਏ ਸੀ ਓ ਫਾਂਸੀ ਵਾਲੇ ਫੰਦੀਆਂ ਨੂੰ..

ਰਾਜਗੁਰੂ ਸੁਖਦੇਵ ਭਗਤਸਿੰਘ ਗੋਰਿਆਂ ਅੱਗੇ ਖੰਗੇ ਆਸ਼ਿਕ,

ਕੁਦਰਤਿ ਨਾਲ ਨੇ ਰਹਿੰਦੇ ਹਰ ਪਲ ਜਿਹੜੇ ਕਰਦੇ ਗੱਲਾਂ..

ਥੋੜੇ ਨੇ, ਪਰ ਹੈ "ਪਾਗਲਾ" ਫ਼ਕੀਰ ਨੰਗ਼ ਮਲੰਗੇ ਆਸ਼ਿਕ

✍️ਪਾਗਲ ਸੁੰਦਰਪੁਰੀਆ

9649617982

ਗੋਲ ਗੋਲ ਘੁੱਮੇ ਦੁਨੀਆਂ

 ਗੱਡੀ ਥੱਲੇ ਤੁਰ ਵਹਿਮ ਰਹਿੰਦਾ ਕੁੱਤੇ ਨੂੰ ਕਿ ਮੇਰੇ ਹੀ ਸਹਾਰੇ ਏਹੇ ਚੱਲਦੀ

ਵਹਿਮ ਦਾ ਇਲਾਜ਼ ਤੇਰਾ ਕੱਢੇ ਯਾਰ ਨੀ ਜਿਹਨੂੰ ਕਰਦੀ ਮਖੌਲ ਭੂਤ ਕੱਲ ਦੀ

ਸੂੰਦਰਪੁਰੇ ਆਲਾ ਪਾਗਲ ਨੀ ਯਾਰ ਦਿੱਲ ਵਿੱਚ ਰੱਖਦਾ ਏ ਖ਼ਾਰ ਤੇਰਾ

 

ਨੀ ਭਾਵੇਂ ਗੋਲ ਗੋਲ ਘੁੱਮੇ ਦੁਨੀਆਂ ਵਿੱਚ ਪੱਧਰਾ ਜਾ ਯਾਰ ਤੇਰਾ